काठमाडौं । नेपालमा पछिल्लो २४ घण्टामा ८ हजार १७ जनामा कोरोना भाइरस संक्रमण पुष्टि भएको छ भने १५ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार एक दिनभित्र परीक्षण गरिएका २१ हजार ८ सय ८ नमुनामध्ये ८ हजार १७ मा कोरोना देखिएको हो।
पछिल्लो २४ घण्टामा आरटी पीसीआर विधिबाट १५ हजार ७३६ परीक्षण हुँदा ५ हजार ८१६ मा कोरोना देखिएको हो।
त्यसैगरी एन्टिजेन विधिबाट ६ हजार ७२ नमुनाको परीक्षण हुँदा २२ सय १ जनामा कोरोना पुष्टि भएको हो।
पछिल्लो २४ घण्टामा निको हुने दर पनि बढेको छ। मन्त्रालयका अनुसार ५२ सय ९२ जना निको भएका छन्।
त्यस्तै नेपालभर हालसम्म ९० हजार ५७६ सक्रिय संक्रमित रहेको पनि मन्त्रालयले जानकारी दिएको छ।
जसमध्ये ८८ हजार ६४२ जना होम आइसोलेसनमा रहेका छन् भने १ हजार ९३४ जना संस्थागत आइसोलेसनमा रहेका छन् । कोरोनाका बिरामीमध्ये २५७ जना आईसीयू र ४९ जना भेन्टिलेटरमा उपचाररत् छन् ।
यस्तै १० वर्ष मुनिका १३१ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका २७४९ जना कोरोना संक्रमित थपिएका छन् ।
