काठमाडौं । पछिल्लो २४ घण्टामा नेपालमा १२ हजार ८ जनामा कोरोना भाइरसको संक्रमण पुष्टि भएको छ भने आठ जनाको मृत्यु भएको छ ।

स्वास्थ्य तथा जनसंख्या मन्त्रालयले दिएको जानकारी अनुसार २५ हजार ९०१ जनामा परीक्षण गर्दा सो संख्यामा संक्रमित फेला परेका हुन्।

आज ३ हजार ४० जना संक्रमणमुक्त भएर डिस्चार्ज भएको मन्त्रालयको तथ्यांकमा उल्लेख छ।

मन्त्रालयका अनुसार हाल देशभर सक्रिय संक्रमितमध्ये ८७ हजार ११७ जना होम आइसोलेसनमा रहेका छन् भने एक हजार ८१७ जना संस्थागत आइसोलेसनमा छन् ।

कोरोनाका बिरामीमध्ये २४५ जना आईसीयू र ४४ जना भेन्टिलेटरमा उपचाररत् छन् । हालसम्म मृत्यु हुनेको संख्या ११ हजार ६६७ जनाको ज्यान गइसकेको छ।