काठमाडौं । पछिल्लो २४ घण्टामा थप ११ हजार ३५२ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ​१८ हजार ७८ पीसीआर परीक्षण भएको थियो। जसमा ९५०२ जनामा कोरोना पुष्टि भएको छ।

उता ५३३१ एन्टिजेन परीक्षण हुँदा १८५० जनामा कोरोना देखिएको छ। मन्त्रालयका अनुसार बुधबार जम्मा ११ हजार ३५२ जनामा कोरोना पुष्टि भएको हो।

मन्त्रालयका अनुसार नयाँ संक्रमित मध्ये ६ हजार ३४३ जना काठमाडौं उपत्यकाका छन्, जसमा काठमाडौंका ४ हजार ६६६, ललितपुरका १ हजार १९ र भक्तपुरका ५७८ जना छन् ।

२४ घण्टायता ४ जनाले ज्यान गुमाएका छन्। त्यस्तै ६ सय जना मात्रै निको भएका छन्। हाल देशभरमा ४७ हजार ९२९ जना संक्रिय संक्रमित छन् ।