काठमाडौं । नेपालमा गएको २४ घण्टामा १० हजार २५८ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पीसीआर विधिबाट ८७३० जना र एन्टिजेन विधिबाट १५ सय २८ जनामा कोरोना संक्रमण पुष्टि भएको हो।
Advertisement
पछिल्लो २४ घण्टामा देशभर आरटी पीसीआर विधिबाट १७ हजार ८७२ र एन्टिजेन विधिबाट ४९ सय ५६ नमुना परीक्षण गरिएको थियो।
यही अवधिमा केबल ५६४ जना मात्रै संक्रमित निको भएका छन् । मन्त्रालयका अनुसार पछिल्लो २४ घण्टायता एकजनाको कोरोनाबाट निधन भएको छ। नेपालमा मंगलबारसम्म सक्रिय संक्रमित ३९ हजार ४४ पुगेका छन्।
