बेल रजाली मगर, भिवाडी ।
मूलप्रवाह अखिल भारत नेपाली एकता समाजले मध्यपश्चिमोत्तर क्षेत्रीय समिति अन्तर्गत राजस्थानको भिवाडीमा पनि राष्ट्रिय सम्मेलन प्रचारात्मक भेला सम्पन्न गरेको छ ।
एकता समाजको आगामी २७–२८ फरवरी र १ मार्चमा हुन गइरहेको अखिल भारत सम्मेलन तयारीका लागि भारतव्यापी भइरहेको प्रचारात्मक भेलाका क्रममा भिवाडीमा पनि भेला आयोजना गरिएको हो ।
भेलालाई मूल प्रवाहका नगर सदस्य अमृत केसी, बाबुराम खड्का, डीवी राना, राजु बुढामगर, महिला नगर कोषाध्यक्ष यामी पन्थी, फूलमाया कुमाल,ध्रुव थापा लगायतले भेला सफलताको शुभकामना दिनुभएको थियो ।
कार्यक्रममा केन्द्रीय सदस्य बाबुराम बस्नेत, क्षेत्रीय सदस्य किशोर राई, रामबहादुर थापा, राम प्रसाद घिमिरे, क्षेत्रीय विद्यार्थी विभाग सदस्य सृष्टि राईको पनि आतिथ्यता रहेको थियो ।
भेलाले राम बहादुर थापको संयोजकत्वमा ५ सदस्यीय प्रचार प्रसार एवं आर्थिक उपसमिति गठन गरिएको छ। नगर अध्यक्ष काजीराम श्रेष्ठज्यु अध्यक्षतामा र कृष्टी राईको सञ्चालन तथा अर्जुन नेपालीको स्वागत मन्तब्यमा भेला सम्पन्न भएको थियो ।
मूल प्रवाहले ‘गणतन्त्र र राष्ट्रियताको रक्षा गरौं, भारतस्थित प्रवासी नेपालीहरुको मताधिकार एवम् समानुपातिक प्रतिनिधित्व सुनिश्चित गरौं’ भन्ने मूल नाराका साथ अखिल भारत सम्मेलन गर्दैछ ।
