चिदम्बरम (भारत) । मूल प्रवाह अखिल भारत नेपाली एकता समाज चिदम्बरम नगर समिति अन्तर्गत कारैकाल एरिया समितिको १३औं वार्षिक एरिया सम्मेलन सम्पन्न भएको छ ।
सम्मेलनको उदघाटन समाजका केन्द्रीय सदस्य बाला कृष्णा गायकले गर्नुभयो । कार्यक्रममा सम्बोधनका क्रममा नेता गायकले संघीयता, प्रतिगमन र एमसीसी विरुद्धको आन्दोलनलाई कमजोर बनाउन फुटपरस्तहरुले हामीलाई अलमलाउन खोजिरहेका छन् भन्दै मूल प्रवाहका नेता तथा कार्यकर्ताहरु प्रत्येक चुनौतिहरुको सामना गर्दै अगाडि बढ्न सक्षम रहेको बताउनुभयो । उहाँले जस्तो सुकै अवरोध भएपनि गतिशील आन्दोलन नरोकिने बताउनुभयो ।
सम्मेलनले नारायण शर्माको अध्यक्षतामा ७ पूर्ण र २ वैकल्पिक सहित ९ सदस्सीय नयाँ समिति चयन गरेको छ। जसमा उपाध्यक्ष रुद्र प्रसाद शर्मा, सचिव जीवन पराजुली, सहसचिव हिम बहादुर हमाल, कोषाध्यक्ष डिल्ली प्रसाद शर्मा, सदस्य दुर्गा देवि हमाल, पवित्र शर्मा र वैकल्पिक सदस्यमा कृष्ण प्रसाद शर्मा र विशाल पराजुली रहनुभएको छ ।
पवित्र शर्माको सञ्चालन, नारायण शर्माको अध्यक्षता र रुद्र प्रसाद शर्माको स्वागत मन्तव्य साथ अगाडि बढेको सो सम्मेलनलाई जीवन पराजुली र हिम बहादुर हमालले सफलताको शुभकामना दिनु भएको थियो ।
