खुम रायामाझी, कुवेत ।
कुवेतमा अर्घाखाँचीका राजकुमार खड्काको निधन भएको छ । वैदेशिक रोजगारीका लागि कुवेत पुगेका खड्काको हृदयाघातका कारण निधन भएको हो ।
अर्घाखाँचीको सितगंगा नगरपालिका–२, निपाने स्थायी घर भएका खड्काको आतबार (५डिसेम्बर २०२१) का दिन कोठामा सुतेकै अवस्थामा निधन भएको उनका साथीले युगदर्शनलाई जानकारी दिएका छन् ।
खड्का वैदेशिक रोजगारका लागि सन् २०१६ मा कुवेतको रेफ्रिजेरेसन इन्डस्ट्रिज एण्ड स्टोरेज कम्पनीमा काम गर्दै आएका थिए । उनको घरमा श्रीमती र एक छोरा छन् ।
घटनाको प्रारम्भिक जानाकारी र आवश्यक विवरण कुवेत नेपाली एकता समाजका महासचिव खुम रायामाझीले नेपाली राजदूतावास कुवेतका द्वितिय सचिव श्रीकृष्ण सिलवाललाई दिएपछि राजदूतावासले मृतकलाई नेपाल पठाउने प्रक्रिया थालेको थियो ।
राजदूतावासका अनुसार मृतक खड्का आफूले काम गरिरहेको कम्पनीबाट भागी अवैधानिकरुपमा रहेको हुँदा केही कानुनी प्रक्रिया पुरा गरी उनको शव आज कतार एयरवेजको उडान नं. QR1087 बाट दोहा र त्यहाँबाट उडान नं.QR0616 शनिबार नेपालको समय अनुसार २ः४५ वजे त्रिभुवन अन्तर्राष्ट्रिय विमानस्थलमा अवतरण हुने गरी पठाउन लागिएको छ ।
कुवेतमा अवैधानिकरुपमा रहेका राजुको हृदयघातबाट मृत्यु भएपछि विभिन्न कानुनी समस्याका वावजुद पनि उनको शवलाई छिटो नेपाल पुराउने प्रक्रियाको लागि भौतिकरुपमा निरन्तर खटिरहेका नेपाली राजदूतावासका द्वितिय सचिव श्रीकृष्ण सिलवाल र राजदूतावास परिवारलाई कुवेत नेपाली एकता समाजले धन्यवाद ज्ञापन गरेको छ ।
