खिमराज चालिसे, चंडिगढ ।
कपिलवस्तुको शिबराज नगरपालिका –३ मदवा गिरौदाका ३५ वर्षीय मदन खनाल मंसिर १० गते (२६ नोवेम्वर) बाट बेपत्ता भएका छन् ।
भारतको चंडिगढ सेक्टर ४१ बाट बेपत्ता भएका मदनको मूल प्रवाह अखिल भारत नेपाली एकता समाजले पहल थालेको छ ।
मदनका बुाव हरिलाल खनालले दिएको जानकारीका आधारमा मूल प्रवाहले मदनको खोजी सुरु गरेको हो ।
नेपालदेखि दिदी भिनाजुलाई भेट्न आएका मदन चंडिगढमा कृष्णा मार्केटमा चौकिदारी गर्ने एकजना नेपालीसँग २५ नोवेम्वर राति सँगै बसेको आफन्तले बताएका छन् । दिदी लक्ष्मी बोहरा र भिनाजु चेतबहादुरलाई भेट्न अर्को दिन बिहान सो स्थानबाट हिँडेका मदन त्यहीबाट सम्पर्कविहीन भएका हुन् ।
आफन्तले मदनको खोजी गरिदिन चंडिगढ पुलीस मुख्यालय तथा विभिन्न सञ्चार माध्यम मार्फत पनि आग्रह गरेका छन् । उनी भेटिएमा नजिकको मूल प्रवाहको कार्यालय अथवा चेतबहादुर ९१८६९९३४०२३५ र लक्ष्मी ९१८६९९३३०२३५ मा खबर गरिदिन मूल प्रवाह चंडिगढले आग्रह गरेको छ।
