काठमाडौं । भारतमा पनि कोरोना भाइरसको नयाँ भेरिन्ट ‘ओमिक्रोन’ फेला परेको छ । भारतको कर्नाटक राज्यमा दुईजनामा ओमिक्रोन भेरियन्ट भेटिएको भारतको स्वास्थ्य मन्त्रालयले जानकारी दिएको छ ।

मन्त्रालयले बिहीबार दिउँसो पत्रकार सम्मेलन गरी कर्नाटकका ४६ र ६६ वर्षका दुई पुरुषमा संक्रमण देखिएको जनाएको छ।

यसअघि आजै भारत आएका चारजना विदेशी यात्रुमा कोरोना भाइरसको ओमिक्रोन भेरियन्ट पुष्टि भएको थियो। दक्षिण अफ्रिकामा गत नोभेम्बर २४ मा ओमिक्रोन पहिलोपटक देखिएको थियो । त्यसयता विश्वका बिभिन्न मुलुकमा पनि ओमिक्रोन देखिएपछि विशेष सतर्कता अपनाउन विश्व स्वास्थ्य संगठन (डब्लूएचओ) ले सबै मुलुकलाई बिशेष आग्रह गरिसकेको छ ।

बुधबार अमेरिकामा ओमिक्रोनको पहिलो संक्रमण भेटिएको थियो। त्यसअघि जापान लगायत मुलुकमा पनि ओमिक्रोन संक्रमण देखिएको थियो ।