बेलबहादुर रजाली, जयपुर ।
मूल प्रवाह अखिल भारत नेपाली एकता समाज नगर समिति जयपुर दक्षिणले गएको तिहारको अवसरमा खेलिएको प्रगतिशिल देउसी भैलोको समीक्षा तथा समापन कार्यक्रम सम्पन्न गरेको छ ।
कार्यक्रममा मूल प्रवाहका केन्द्रीय सदस्य मोहन गिरी, केन्द्रीय सदस्य एवं मध्य पश्चिमोत्तर क्षेत्रीय अध्यक्ष बेलबहादुर रजाली, सचिव नारायण ज्ञवाली, केन्द्रीय सांस्कृतिक विभागका सचिव रिम राना, केन्द्रीय महिला विभाग सदस्य हुमा रजाली, क्षेत्रीय महिला विभाग अध्यक्ष कल्पना थापा, मूल प्रवाह जयपुर उत्तरबाट टंक थापा लगायत वक्ताहरुले भारतमा रहेका नेपालीहरुको हक हितको लागि नेपालीहरुको अभिभावक संगठन मूल प्रवाह अखिल भारत नेपाली एकता समाजको झण्डा मुनि गोलबन्द हुनुपर्ने बताउनु भयो ।
केन्द्रीय सांस्कृतिक विभागका सचिव रिम रानाले समस्त नेता, कार्यकर्ता, कलाकार सबैलाई भैलो सफल पार्न निरन्तर खटी सहयोग गर्नु भएकोमा धन्यवाद ज्ञापन गर्नुभएको थियो ।
नगर सचिव बाबुराम थापाको सञ्चालनमा शुरू भएको उक्त कार्यक्रमको अध्यक्षता नगर अध्यक्ष ओम थापाले गर्नु भएको थियो भने हुमबहादुर शारुले स्वागत गर्नु भएको थियो ।
