चिदम्बरम (भारत) । मूल प्रवाह अखिल भारत नेपाली एकता समाज चिदम्बरम नगर समिति अन्तरगत टाउन एरिया समितिको १२ औं वार्षिक एरिया सम्मेलन सम्पन्न भएको छ ।
सम्मेलनले चन्द्र बहादुर केसीको अध्यक्षतामा ११ सदस्यीय नयाँ समिति गठन गरेको छ । जसमा उपाध्यक्ष पदम बहादुर केसी, सचिव मेघराज शर्मा, सहसचिव मोहराज शर्मा, कोषाध्यक्ष देवेन्द्र आचार्य रहनुभएको छ । सदस्यहरुमा प्रेम बहादुर केसी, गोबिन्द प्रसाद शर्मा, वैकल्पिक सदस्यमा कौशिला केसी, नेत्र प्रसाद शर्मा, सल्लाहकार सदस्यमा धन सिंह राना र हाललाई एक स्थान रिक्त राखिएको छ ।
कार्यक्रममा मूल प्रवाहका केन्द्रीय सदस्य बाला कृष्ण गायकले कोरोना भाइरस विरुद्ध जुध्दै संगठन निर्माण र परिचालनमा निरन्तर लागेका मूल प्रवाहका नेता कार्यकर्ताहरु संगठनलाई अझै मजबुत, जुझारु र अनुसासित बनाउन निरन्तर खट्नु पर्ने बताउनु भयो । उहाँले मूल प्रवाहको इतिहास ध्वस्त पार्न विगतमा पनि अवसरवादी, फुटपरस्त र अनुसासन विहीनहरुले संगठनमा हमला गरेको स्मरण गराउनु भयो ।
मूल प्रवाह क्षेत्रीय सदस्य जीवन पराजुली, केन्द्रीय परिषद सदस्य हेम बिजी, नगर सदस्य चन्द्र बहादुर केसी, कार्यकाल एरियाबाट नारायण शर्मा र पदम बहादुर केसीले भेला सफलताको शुभकामना दिनुभएको थियो ।
नव निर्वाचित समितिलाई केन्द्रीय परिषद सदस्य चन्द्रकान्त शर्माले बधाई एवं सफल कार्यकालको शुभकामना दिनु भएको थियो । मोहराज शर्माको सञ्चालन तथा देवेन्द्र आचार्यको अध्यक्षतामा भएको कार्यक्रममा मेघराज शर्माले स्वागत गर्नु भएको थियो ।
