नयाँ दिल्ली (भारत) ।
भारतमा मजदुरी गर्न गएका एक नेपाली युवक करिब एक महिनादेखि सम्पर्कविहीन भएका छन् । पर्वतको फलेबास नगरपालिका–१० कुर्गाका २४ वर्षीय सन्तोष पौडेल गएको अक्टोबर १० तारिखदेखि हैदरावादको सोमाजिगुडाबाट सम्पर्कविहीन भएका हुन् ।

कोठाबाट डिउटी जान भनी हिँडेका सन्तोष डिउटीमा पनि नगएका र घर पनि नफर्केको सन्तोषका आफन्तले मूल प्रवाह अखिल भारत नेपाली एकता समाजलाई जानकारी दिएका छन् । हराएका सन्तोषको खोजीको लागि पहल थालिएको एकता समाजले जनाएको छ ।

करिब ५ फिट उचाई, गहुँ गोरो वर्णका, मानसिक रूपमा केही कमजोर रहेका सन्तोषलाई देख्नु वा भेट्नु हुने व्यक्तिले नजिकको मूल प्रवाह अखिल भारत नेपाली एकता समाज वा उनका मामा रामप्रसाद शर्मा गौतमलाई मोबाइन नम्बर ९९०८६४८९७४ मा खबर गरिदिन मूल प्रवाहले आग्रह गरेको छ ।