खिमराज चालिसे, चंडिगढ।
मूल प्रवाह अखिल भारत नेपाली एकता समाज हिसार नगर समितिले गएको तिहारमा खेलिएको देउसी भैलोको समीक्षा गरेको छ । मूल प्रवाह सुदूरपश्चिमोत्तर क्षेत्र अन्तर्गत हिसार नगर समिले रक्तिम विभागको आयोजनामा खेलिएको प्रगतिशील देउसी भैलोको समीक्षा गरेको हो।
त्यसक्रममा मूल प्रवाहले रक्तिमका कलाकारहरुलाई धन्यवाद ज्ञापन गरेको छ । समाजका केन्द्रीय सल्लाहकार तारा सोमरेले प्रवासमा प्रगतिशील देउसी भैलोको महत्वबारे चर्चा गर्दै कार्यकर्ताको जिम्मेवारीबारे धारणा राख्नुभएको थियो ।
कार्यक्रममा मूल प्रवाहका क्षेत्रीय सदस्य नन्द बहादुर लम्तरी, नगर समितिका बाबुराम शर्मा, क्षेत्रीय महिला विभाग सदस्य सेती राना, महिला नगर विभागकी सीता पोख्रेल, इन्ड्रष्ट्रियल एरिया अध्यक्ष लाल बहादुर चुदाली, जनजाती नगर संयोजक केहर सिंह घर्ती मगर, नगर सदस्य बिष्णु गौतम लगाएत नेताहरुले देउसी भैलो सम्पन्न गर्न अहोरात्र खट्ने कलाकारलाई धन्यवाद ज्ञापन गर्नुभयो ।
कार्यक्रम निरु सारुको सञ्चालनमा तथा योगेन्द्र दर्लामीको अध्यक्षतामा सम्पन्न भएको थियो ।
