चिदम्बरम, (भारत) ।
मूल प्रवाह अखिल भारत नेपाली एकता समाज चिदम्बरम नगर समिति अन्तर्गत कल्लाकुर्ची एरियाको ९ औँ वार्षिक एरिया सम्मेलन सम्पन्न भएको छ ।
रमाकान्त शर्माको अध्यक्षता तथा जीवन शर्माको सञ्चालनमा कार्यक्रम शुरु भएको कार्यक्रममा खेमप्रसाद शर्माले स्वागत गर्नु भएको थियो ।
समाजका केन्द्रीय सदस्य बालकृष्णा गायकले सम्मेलनको उद्घाटन गर्दै मूल प्रवाह भारतस्थित श्रमजिवी नेपालीहरुको अभिभावक र अग्रगामी संगठन भएको बताउनु भयो । उहाँले ४३ औं वर्षको इतिहास बोकेको यो संगठनलाई बेला बेलामा अवसरवादी फुटपरस्त तत्वहरुले आक्रमण गर्दै आएका समेत आरोप लगाउनु भयो ।
नेता गायकले भन्नु भयो– ‘यति बेला पनि मूल प्रवाहकै नाममा कथित समानान्तर समिति बनाएर अनुशासनविहीन फुटपरस्तहरुले आक्रमणगरिरहेका छन् । यो अवस्थामा ती षडयन्त्रकारीहरुको भ्रमजाल तोड्न यो सम्मेलनले महत्वपूर्ण भूमिका खेल्ने छ’।
त्यस्तै, तोयनाथ शर्माले पनि सम्मेलन सफलताको शुभकामना दिनु भएको थियो ।
सम्मेलनले रमाकान्त शर्माको अध्यक्षतामा नयाँ कार्यसमिति चयन गरेको छ । समितिको उपाध्यक्ष नारायण प्रसाद शर्मा, सचिव जीवन शर्मा, सहसचिव खेम प्रसाद शर्मा र कोषाध्यक्षमा तोयनाथ शर्मा चयन हुनु भएको छ । सदस्यहरुमा होमसिंह नेपाली, सिता नेपाली र गुमादेवि शर्मा रहनुभएको छ भने हाललाई एक स्थान रिक्त राखिएको छ ।
