काठमाडौं । प्युठानकी एक ७ वर्षीया क्यान्सर पीडित बालिकालाई मलेसिया नेपाली एकता समाजले उपचारका लागि रकम सहयोग गरेको छ ।

प्युठान नगरपालिका वडा न. ५ झाक्रिगाउँ निवासी मेख बहादुर पुन र सरिता पुनकी छोरी ७ वर्षीया प्रतीक्षा पुनलाई नेपाली एकता समाजले २१ हजार ६ सय रुपैयाँ सहयोग गरेको हो । क्यान्सर पीडित बालिकालाई उपचारका लागि सो सहयोग पठाइएको समाजका अध्यक्ष गोविन्द विष्टले जानकारी दिनुभएको छ ।

मलेसिया नेपाली एकता समाजका सदस्य भक्त बहादुर सुनारसहित अन्य पदाधिकारीहरुले सो रकम संकलन गर्नुभएको थियो । राष्ट्रिय जनमोर्चा प्युठानका पदाधिकारीमार्फत बालिकाका बुबा मेख बहादुर पुनलाई पीडितको घरमा पुगेर शनिबार रकम हस्तान्तरण गरिएको हो ।