सक्तमान बुढाथोकी, हङकङ ।
मगर संघ, हङकङको अध्यक्षमा रुपन्देहीका हेमराज थापा मगर भारी मतसहित विजयी हुनुभएको छ । १४ नोबेम्बरमा सम्पन्न १० औँ अधिवेशनका क्रममा भएको मतदानबाट थापा अध्यक्षमा निर्वाचित हुनुभएको हो ।
कूल १९३ मत खसेकोमा थापाले १८१ मत प्राप्त गर्नुभएको छ । उहाँका प्रतिद्वन्दी हर्कप्रसाद राना मगरले जम्मा ५ मत प्राप्त गर्नुभएको छ । ७ मत बदर भएका छन् । १९ सदस्यीय कार्यसमितिमा १४ पूर्ण र ५ जना पछि मनोनित गर्ने गरि रिक्त राखिएको छ ।
वरिष्ठ उपाध्यक्षमा याम बहादुर बुढाथोकी (बाग्लुङ), उपाध्यक्ष कुमारी थापा मगर (गुल्मी), महासचिव रवीन्द्र थापा मगर (स्याङ्जा), सचिव अमृता थापा राना (बाग्लुङ) र कोषाध्यक्ष विनोद थापा मगर (पाल्पा) निर्वाचित हुनुभएको छ ।
यस्तै, सदस्यहरुमा रोशन पुन मगर (गुल्मी), भीम राज थापा मगर (स्याङ्जा), दुर्गा राना मगर (रुपन्देही), तेज थापा मगर (स्याङ्जा), चन्द्रा कुमारी थापा मगर (पर्वत), टेक बहादुर थापा (चितवन), कल्पना पुन काउचा मगर (बाग्लुङ, हाल काठमाडौं) रहनुभएको छ ।
निर्वाचनका लागि एमबी थापा दर्लामी मगरको अध्यक्षतामा अध्यक्ष मण्डल गठन गरिएको थियो । सदस्यहरुमा लक्ष्मण पुन मगर, चन्द्र बहादुर पुन हुनुहुन्थ्यो । यस्तै, निर्वाचन आयुक्तमा चुक प्रसाद पुन मगर (पर्वत) र सदस्यहरुमा सक्तमान बुढाथोकी (बाग्लुङ), मदन प्रसाद पुन मगर (गुल्मी) रहनुभएको थियो ।
कार्यक्रम मगर संघको भवन फ्लाट डीई २एफ, १५२–१५४ टेम्पल स्ट्रीट जोर्डन कोलुनमा सम्पन्न भएको हो । गएको ३ अक्टुवरमा भएको अधिवेशनमा विवादका कारण मतदान प्रक्रिया रोकिएको थियो । आइतबार शान्तिपूर्ण रुपमा कार्यक्रम सफल भएको हो ।
यो पनि : मगर संघ, हङकङ नयाँ नेतृत्व चयन गर्न असफल, तीन महिनाभित्र निर्वाचन हुने
