खिमराज चालिसे, चंडिगढ ।
मूल प्रवाह अखिल भारत नेपाली एकता समाजले भारतका विभिन्न स्थानमा सञ्चालन गरेको देउसी भैलोको कार्यक्रम समापन गरेको छ ।
मूल प्रवाहले राजधानी नयाँ दिल्लीलगायत भारतका विभिन्न सहरहरुमा नेपाली समुदायमाझ प्रगतिशील देउसी भैलो खेलेको थियो । त्यस क्रममा रक्तिम सांस्कृतिक अभियानका कलाकारहरुले विभिन्न जनवादी गीत संगीत मार्फत देशको यथार्थ अवस्थाबारे वर्णन गर्नुका साथै परिवर्तनका लागि सचेतना जगाउने काम गरेका थिए ।
चण्डीगढ
मूल प्रवाह चंडिगढले तीन दिनसम्म जनताको घरदैलोमा पुगी खेलेको देउसी भैलो समापन गरेको छ । मूल प्रवाहको देउसी भैलोको महत्व प्रकास पार्दै गहकिला विचार राख्ने वक्ताहरुमा केन्द्रीय सदस्य दिनेश खडका, केन्द्रीय सल्लाहकार तिलक पौडयाल, केन्द्रीय सल्लाहकार एवम् नेपाली समाचारका संयोजक खिमराज चालिसे, मूल प्रवाह सुदूरपश्चिमोत्तर महिला क्षेत्रीय सचिव जुना चालिसे, सुदूरपश्चिमोत्तर क्षेत्रीय सदस्य प्रेम आचार्य, समता विभागका केन्द्रीय सदस्य बिनु नेपाली, विद्यार्थी संघका केन्द्रीय सदस्य विष्णु बेल्बासे, क्षेत्रीय अध्यक्ष माधव पोख्रेल जनजाति विभागका थमन थापा लगाएत हुनुहुन्थ्यो ।
कार्यक्रम नगर अध्यक्ष मानबहादुर केसीको अध्यक्षता तथा नगर सचिव तेज बहादुर रोकाको सञ्चालनमा सम्पन्न भएको थियो भने स्वागत कोषाध्यक्ष किसन खनालले गर्नुभएको हो।
रोपड
यता, मूल प्रवाह अखिल भारत नेपाली एकता समाज रोपड नगर समितिले एक समारोहबीच २०७८ सालको देउसी भैलो सम्पन्न गरेको छ।
कार्यक्रममा मूल प्रवाह केन्द्रीय सदस्य एवम् सुदूरपश्चिमोत्तर क्षेत्रीय अध्यक्ष प्रेम सापकोटाले विचार व्यक्त गर्नुभएको थियो ।
समारोहमा मूल प्रवाह सुदूरपश्चिमोत्तर क्षेत्रीय सदस्य शिवलाल लामिछाने, जनजाती क्षेत्रीय विभागका बिल वहादुर गुरुङ, महिला क्षेत्रीय विभागका अध्यक्ष सिता सापकोटा, सदस्य खगी थापा, लक्ष्मी गुरुङ, मन्जु थापा लगायतको आथित्यता रहेको थियो।
कार्यक्रम छविलाल सापकोटाको अध्यक्षता तथा मदन थापाको सञ्चालनमा सम्पन्न भएको थियो भने स्वागत लाल बहादुर थापाले गर्नुभएको थियो ।
