खिमराज चालिसे, चंडिगढ ।
मूल प्रवाह अखिल भारत नेपाली एकता समाजले भारतका विभिन्न नगरहरुमा प्रगतिशील देउसी भैलो कार्यक्रम सञ्चालन गरिरहेको छ । मूल प्रवाह चंडिगढ नगरसमितिले बिहीबारदखि दुई अलग–अलग स्थानबाट देउसी भैलो कार्यक्रम सुरु गरेको छ ।
रोजीरोटीको समस्याले विदेश पस्न बाध्य नेपालीलाई अभिभावकत्व दिँदै आएको मूल प्रवाहले देशको संस्कृतिलाई नेपालीबीच झल्काउने तथा देशको प्रजातान्त्रिक आन्दोलनमा र राष्ट्रियताको पक्षमा आवाज बुलन्द गर्ने उद्धेश्य अनुरुप देउसी भैलो कार्यक्रम सञ्चालन गरिएको जनाएको छ ।
दुवै टिमले विभिन्न स्थानमा नेपालीहरुबीच प्रगतिशील जनवादी गीत संगीत प्रस्तुत गर्दै देउसी भैलो खेल्नेक्रम जारी राखेको छ ।
टिम ‘ए’
मूल प्रवाह अखिल भारत नेपाली एकता समाज चंडिगढ नगरसमितिको टिम ‘ए’ को उद्घाटन केन्द्रीय सल्लाहकार तिलक पौडयालले पंचकुला एरियामा गर्नुभयो । कार्यक्रम प्रेम आचार्यको सञ्चालन तथा थमन थापाको अध्यक्षतामा सम्पन्न भएको थियो ।
टिम ‘बी’
त्यसैगरि टिम ‘बी’ को उद्घाटन मूल प्रवाह केन्द्रीय सदस्य दिनेश खडकाले गर्नुभयो । कार्यक्रममा मूल प्रवाह केन्द्रीय सल्लाहकार एवम् नेपाली समाचारका संयोजक खिमराज चालिसे, मूल प्रवाह सुदूरपश्चिमोत्तर महिला क्षेत्रीय सचिव जुना चालिसे, विद्यार्थी क्षेत्रीय अध्यक्ष माधव पोख्रेल लगायतको आथित्यता रहेको थियो।
कार्यक्रम नगर अध्यक्ष मानबहादुर केसीको अध्यक्षतामा तथा नगर सचिव तेज बहादुर रोकाको सञ्चालनमा सम्पन्न भएको थियो ।
