बेलबहादुर रजाली मगर, जयपुर ।
मूल प्रवाह अखिल भारत नेपाली एकता समाज मध्य पश्चिमोत्तर क्षेत्रीय समितिको आयोजनामा जयपुरमा प्रशिक्षण शिविर सम्पन्न भएको छ । सो प्रशिक्षण शिविरका प्रशिक्षक मूल प्रवाह अखिल भारत नेपाली एकता समाजका महासचिव ठाकुर खनाल हुनु हुन्थ्यो ।
कार्यक्रममा महासचिव खनालले आदर्शवादी दर्शन र भौतिकवादी दर्शन, संगठनको आवश्यकता, पार्टी र जनवर्गीय संगठन बीचको सम्बन्ध, संगठनात्मक पद्धति आदिबारे प्रशिक्षण दिनु भएको थियो । प्रशिक्षण शिविरमा केन्द्रीय सदस्य मोहन गिरीको पनि उपस्थिति रहेको थियो ।
शिविरमा प्रशिक्षार्थीका जिज्ञासाहरुलाई महासचिव ठाकुर खनाल र सदस्य मोहन गिरीले प्रष्ट पार्नु भएको थियो । कार्यक्रम क्षेत्रीय सचिव नारायण ज्ञवालीको सञ्चालन र अध्यक्ष बेलबहादुर रजालीको अध्यक्षतामा सम्पन्न भएको थियो ।
कार्यक्रमका सहभागीहरुलाई क्षेत्रीय सदस्य ओम थापाले स्वागत गर्नु भएको थियो भने ज्ञात अज्ञात शहीदहरुको संझानामा एक मिनेट मौन धारण गरिएको थियो ।
