खुम रायामाझी, कुवेत ।
पत्रकार माधब शाहीको निधन भएको छ । ३६ वर्षीय शाहीको उच्च रक्तचापको कारण हृदयाघातबाट बिहीबार मृत्यु भएको हो ।
प्युठान जिल्लाको ऐरावती–४ निवासी उनी लामो समयदेखि कुवेतमा रहँदै आएका थिए ।

प्रवासी परोपकारी पत्रकारितामा सक्रिय शाही एनआरएनए एनसीसी कुवेतका उपाध्यक्ष, दर्शन ठकुरी समाज कुवेतका सल्लाहकार तथा पत्रकार महासंघ वैदेशिक शाखा कुवेतका सदस्य समेत रहेका थिए ।

उनको निधनले कुवेतको नेपाली समाजले एउटा दरिलो सामाजिक अभियन्ता गुमाएको छ । उनको  परिवारमा श्रीमती र २ जना छोरीहरु रहेका जानकारी प्राप्त भएको छ ।

घटनाबारे राजदूतावासमा जिज्ञासा राख्दा शाहीको निधनबारे प्रारम्भिक जानकारी आईसकेको र जति सक्दो छिटो शव नेपाल पठाउने कार्यमा जुटेको कुरा राजदुतावास स्रोतले बताएको छ ।