खिमराज चालिसे, चंडिगढ ।
भारतमा कार्यरत नेपालीमाथि कुटपिट तथा गालीगलौज गर्ने पञ्जाब प्रहरीका एक जवानलाई मूल प्रवाह अखिल भारत नेपाली एकता समाजले कारबाही गरेको छ ।
पञ्जाब राज्यको रोपडमा नेपाली महिला माथि कुटपिट तथा गालिगलौज गर्ने पुलीसकर्मी सोहन सिंहलाई मूल प्रवाहले सार्वजनिक माफी मगाउनुका साथै क्षतिपुर्ति भराएको छ ।
सोहन सिंहले मदिरा सेवन गरी नेपाली नागरिकलाई कुटपिट गरेका थिए ।
८ सेप्टेम्वर २०२१ मा पीडितले मूल प्रवाहलाई दिएको निवेदनका आधारमा क्षेत्रीय सदस्य छविलाल सापकोटा, नगर सदस्य बसन्त थापा र एरिया अध्यक्ष रामचन्द्र शर्मा सहितको प्रतिनिधि मण्डल रोपड थानामा पुगी सोहन सिंह विरुद्ध एफआईआर दर्ज गराईएको थियो ।
एफआईआर दर्जपछि सोहन सिंहले आफ्नो जागिर छुट्ने र बाल बच्चाहरुको बिचल्ली हुने गुनासो पोख्दै कानुनी प्रकृयामा नजान आग्रह गरेका थिए । तत्पश्चात समाजका प्रतिनिधिहरुले गालिगलौज तथा कुटपिट जस्तो अमानवीय कार्यमा माफी दिन नसक्ने कुरा गरेपनि उनका स–साना बालबच्चाको भविष्यलाई मध्यनजर गरी पीडितको सहमतिमा औषधि उपचार खर्च, लिखित कबुलनामा पत्र तथा सार्वजनिक रुपमा माफी मगाउने कार्य गरी दुवै पक्षबीच सम्झौता गराईएको थियो ।
मूल प्रवाको उक्त कार्यप्रती स्थानीय जनतालेसमेत खुसी प्रकट गरेको क्षेत्रीय सदस्य छविलाल सापकोटाले बताउनु भएको छ ।
