बेलबहादुर रजाली मगर, भिवाडी (भारत) ।
मूल प्रवाह अखिल भारत नेपाली एकता समाज मध्य पश्चिमोत्तर क्षेत्रीय समिति अन्तरगत भिवाडी नगर समितिको महिला विभागको भेला सम्पन्न भएको छ।
शनिबार सम्पन्न भेलाले कल्पना केसीको अध्यक्षतामा १९ सदस्सीय भिवाडी नगर महिला विभाग गठन गरेको छ। समितिको सचिवमा सृष्टि राई र कोषाध्यक्ष यमि पन्थी चयन हुनुभएको छ भने सदस्यहरुमा देबमाया बगाले, विष्णु पुन, विष्णुमया केसी, मन्जु पोखरेल, फुलकुमारी कुमाल, फुलकुमारी राई र वैकल्पिक सदस्यमा शशी राना, सान्ता थापा, इन्दिरा खड्का तथा सल्लाहकारमा तिला केसी, कृष्टी राई , कमला केसी, निर्मला थापा, कल्पना परियर, पबित्रा बुढाथोकी, मनमाया थापा रहनु भएको छ।
भेलाको उद्घाटन गर्दै मूल प्रवाहका केन्द्रीय सल्लाहकार किशोर राईले मूल प्रवाह अखिल भारत नेपाली एकता समाज भारतमा श्रम गर्ने नेपाली मजदुरहरुको सामाजिक सगठन भएको बताउनु भयो ।
उहाँले उत्पिडनमा परेका नेपाली श्रमिकहरु प्रति न्यायको पक्ष आवाज बुलन्द गर्ने, असहायहरुको अभिभावकत्व निर्वाह गर्दै आएको भन्दै नेपाली महिलाहरु पनि मूल प्रवाहमा संगठित हुनु पर्नेमा जोड दिनु भएको थियो ।
मूल प्रवाह मध्य पश्चिमोतर क्षेत्रीय समितिका सदस्य राम प्रसाद घिमिरे, क्षेत्रीय महिला विभाग सदस्य तिला केसी, मूल प्रवाह क्षेत्रीय सदस्य तथा नगर उपाअध्यक्ष रामबहादुर थापा, नगर सल्लाहकार हुमबहादुर कुमालले भेला सफलताको शुभकामना सहित नवनिर्वाचित कार्यसमितिलाई बधाई दिनु भएको थियो ।
देबमाया बगालेको अध्यक्षता सृष्टी राईको सञ्चालन तथा फूलकुमारी कुमालको स्वागत मन्तव्यबाट कार्यक्रम सम्पन्न भएको थियो ।
