बेलरजालि मगर, भारत ।
मूल प्रवाह अखिल भारत नेपाली एकता समाज नगर समिति बीकानेरले नगर सदस्य पीतबहादुर जिसी र उहाँकी श्रीमती तथा महिला विभाग सदस्य बिमलालाई विदाई गरेको छ । उहाँहरुलाई आइतबार एक कार्यक्रम बीच स्वदेश विदाई गरिएको हो ।
विदाई कार्यक्रममा महिला विभागका अध्यक्ष कमला पाण्डे, मूल प्रवाह नगर सचिव पारस शर्मा, सहसचिव रामबहादुर राना, कोषाध्यक्ष बलबहादुर राना, सदस्य रामप्रसाद पोखरेलले शुभकामना दिँदै उहाँहरुको स्वदेश बसाई सफल रहोस र देशभित्र पनि पार्टीलाई उतिकै योगदान पुर्याउनुहुने छ भन्ने आसा व्यक्त गर्नुभएको थियो ।
उक्त कार्यक्रममा एरिया, टोल लगायत समितिका नेता कार्यकर्ताहरुल जिसी दाम्पतीलाई फुलमाला तथा दोसल्ला ओढाएर विदाई गर्नुभएको थियो ।
उहाँहरु दुवै जनाले स्वदेश गएर पनि आफूहरुले राष्ट्रिय जनमोर्चालाई सक्दो सहयोग गरि रहने प्रतिवद्धता व्यक्त गर्नु भएको थियो । उहाँको स्वदेश घर प्युठानको झिमरुक गाउँपालिका अर्गेलीमा रहेको छ ।
कार्यक्रममा नगर अध्यक्ष लोकबहादुर पाण्डेको अध्यक्षता, महिला विभागका सचिव मनीषा भुलको सञ्चालन तथा राजु विकले स्वागत मन्तब्य दिनुभएको थियो ।
