खिमराज चालिसे, चंडिगढ।
मूल प्रवाह अखिल भारत नेपाली एकता समाजले भारतमा अलपत्र एक नेपाली युवकको उद्वार गरेको छ ।

प्युठान जिल्लाको नौवहिनी गाउँपालिका – ६ लुंगका रामबहादुर केसीको छोरा ३८ वर्षीय मधु केसीलाई मूल प्रवाह हिसारको सहयोगमा उद्धार गरिएको हो ।

रोजगारीको लागि भारतको अनुपगढ (राजस्थान) जाँदै गर्दा दिल्लीमा आफूसँग भएको नगद र मोबाइल समेत चोरी भएपछि उनी अलपत्र परेका थिए । अलपत्र अवस्थामा भेटिएका मधुलाई कृष्ण बस सर्बिसले हिसारसम्म पुर्याइ दिएको थियो ।

हिसारमा मूल प्रवाहका केन्द्रीय सल्लाहकार तारा सोमरे र नगर सदस्य केहरसिंह घर्तीमगरको सम्पर्कमा उनी आएका थिए । हिसार नगरले अनुपगढ राजस्थानसम्म आफन्तको सम्पर्कमा पुग्नेगरी आर्थिक सहयोग गरेर उनको उद्धार गरेको हो ।