लमही । नेपाली भूमि कब्जा गरेर जाली नक्सा तयार पार्ने भारतीय शासक प्रधानमन्त्री नरेन्द्र मोदीको लमहीमा पुत्ला दहन गरिएको छ । राष्ट्रिय जनमोर्चा लमही नगर समितीको आयोजनामा मोदीको पुत्ला बोकेर शंख बजाउँदै शवयात्रा निकाली पुत्ला दहन गरिएको हो ।
अन्त्येष्टि पछिको कोणसभालाई सम्बोधन गर्दै राष्ट्रिय जनमोर्चा जिल्ला अध्यक्ष गणेश आचार्यले भारतले विभिन्न माध्यमबाट नेपालको स्वाधीनता माथि धाबा बोलेको बताउनु भयो ।
‘अहिले जसरी सुगौली सन्धी पछिको नेपाली सिमा मिच्ने र नेपाली भुभाग नै आफ्नो बनाउने गरेको छ । भारत ले यसलाइ सुधार नगरे सुगौली सन्धी अघिको पुर्ब टिस्टा देखि पश्चिम कागडा सम्मको भीमीमा नेपालीले दाबी गर्नुपर्छ’ आचार्यले भन्नुभयो । अर्को प्रसंगमा अध्यक्ष आचार्यले गणतन्त्र, राष्ट्रियता र धर्म निरपेक्षता खतरामा रहेकोले त्यसको बचाउ गर्नु पर्ने र संघीयता खारेज गर्नुपर्ने बताउनुभयो ।
कार्यक्रमलाई रक्तिम सांस्कृतिक अभियानमा केन्द्रीय सल्लाहकार नारायण योगीले पनि सम्बोधन गर्नु भएको थियो । राजमो लमही नगर अध्यक्ष हरि थापाको अध्यक्षतामा भएको कार्यक्रमको सञ्चालन नगर सचिव लेखराज आचार्यले गर्नु भएको थियो ।
