काठमाडौं । कतार नेपाली एकता समाजले नेपालमा लागू गर्न खोजिएको एमसीसीविरुद्ध जारी संघर्षप्रति ऐक्यवद्धता जनाएको छ ।

समाजले विज्ञप्ति प्रकाशित गरी ‘एमसीसी नेपालको स्वतन्त्र परराष्ट्र नीति अर्थात पञ्चशील र असंलग्नताको विरुद्ध छ’ भनेको छ ।
एमसीसीविरुद्ध हाल देशभर संघर्ष जारी छ ।

यही भदौ २२ गते राष्ट्रिय जनमोर्चाले देशभर नै एमसीसीविरुद्ध विरोध सभा र प्रदर्शन गरेको थियो । एमसीसी खारेजीको माग गर्दै विभिन्न राजनीतिक दल, संघ, संस्था तथा भातृ सैगठनहरुले प्रदर्शन जारी राखेका छन् ।

सो विज्ञप्तिमा भनिएको छ, ‘एमसीसी विरुद्ध नेपालमा चलिरहेको अमेरिकी सुरक्षा नीतिअन्तर्गत रहेको हिन्दप्रसान्त रणनीति र त्यसको मातहतमा रहेको मिलेनियम च्यालेन्ज कर्पोरेसन (एमसीसी) पास गर्ने तयारी भैरहेको अवस्थामा कतार नेपाली एकता समाजको गम्भिर ध्यानाकर्षण भएको छ । त्यसलाई पारित गर्न देशीविदेशी शक्ति पुनः सक्रिय हुन थालेको छन् । यसभन्दा पहिलेका सरकारहरूले पनि एमसीसी पारित गर्नका लागि मिलेनियम च्यालेन्ज एकाउन्ट नेपाल (एमसीए–नेपाल)गठन गर्नुका साथै त्यसलाई प्रत्येक आर्थिक वर्षमा बजेट प्रदान गर्दै आएका थिए । अहिले एमसिसीलाई पारित गराउन त्यसका उपाध्यक्ष नै नेपाल आउन थालेको सञ्चार माध्यमहरूले दिएका छन् । त्यसका पछाडिको उद्देश्य नेपालको संसदबाट यथासम्भव छिटो एमसीसी पारित गराउने वातावरण तयार पार्नु नै हो भन्ने प्रष्ट नै छ ।

अमेरिकी साम्राज्यवादको सुरक्षा नीतिअन्तर्गत रहेकाले एमसिसी नेपालको स्वतन्त्र परराष्ट्र नीति अर्थात पञ्चशील र असंलग्नताको विरुद्ध छ । एमसीसी मुख्यतः दक्षिण एसियामा चीनको विरुद्धमा मोर्चाबन्दी कायम गर्ने उद्देश्यका साथ अमेरिकाले भारत समेतलाई सहयोगी बनाउँदै ल्याइएको देखिन्छ । त्यसैले एमसीसी नेपालको राष्ट्रियता र सार्वभौमिकताको विरुद्ध भएको स्पष्ट छ । यही सारतत्त्वका साथ देशभक्त शक्तिहरूले एमसीसीको देशव्यापी रुपमा विरोध पनि गरिरहेका छन ।

राष्ट्रिय जनमोर्चाले सुरुदेखि नै एमसिसीको अङ्ग्रपङ्क्तिमा रहेर विरोध गर्दै आइरहेका छ । एमसीसी पारित गर्ने प्रयासस्वरूप देखा परेको सरकारको पछिल्लो गतिविधिको विरोधमा राजनीतिक तथा देशभक्त शक्तिहरूले एमसिसीको देशव्यापी रुपमा देशव्यापी विरोध कार्यक्रमको आयोजना गरेको छन । सोही अनुरुप कतार नेपाली एकता समाजले पनि उक्त विरोध कार्यक्रमहरुलाई समर्थन तथा एक्यबद्धता प्रकट गर्दछ ।’
बिष्णु थापा क्षेत्री
अध्यक्ष,कतार नेपाली एकता समाज