मुम्बई । मूल प्रवाह अखिल भारत नेपाली एकता समाज मध्य पश्चिम भारत क्षेत्रीय समिति अन्तरगत मुम्बई महानगरको बान्द्रामा नगर समिति गठन गरिएको छ ।
मूल प्रवाहका केन्द्रीय सदस्य तथा क्षेत्रीय उपाध्यक्ष टंक कुँवरको पहल एवं महासचिव ठाकुर खनाल र केन्द्रीय सदस्य गोविन्द बहादुर थापाको विषेश उपस्थितमा सो नगर भेलाले समिति गठन गरेको हो ।
भेलामा महासचिव ठाकुर खनालले मूल प्रवाहको लक्ष्य र उद्देश्य संगठनको विधान पद्धतिबारे प्रकाश पार्नु भएको थियो ।
उक्त भेलाले हुमबहादुर दमाईको अध्यक्षतामा १७ सदस्यीय बान्द्रा नगर समिति गठन गरेको छ । समितिको उपाध्यक्षमा रामु थापा, सचिव राजु पाण्डे, सहसचिव राजु थापा र कोषाध्यक्षमा केशरबहादुर आले चयन हुनुभएको छ ।
सदस्यहरुमा मुक्तबहादुर विक, कमल विक, केशव परियार, प्रेम बस्याल, शिव सुनार, नारायण भण्डारी, करण खड्का, रमेश पौडेल, सुरेन्द्र थापा, डिलाराम उपाध्याय रहनुभएको छ ।
नवगठित समितिलाई गोविन्द बहादुर थापा र टंक कुँवरले सफताको शुभकामना दिनुभएको थियो ।
