काठमाडौं । कोरोना भाइरसको संक्रमण गएको २४ घण्टामा एक हजार ६६४ जनामा संक्रमण देखिएको छ । स्वास्थ्य तथा जनसंख्या मन्त्रालयले सार्वजनिक गरेको तथ्याङ्कअनुसार १२ हजार २२२ जनामा परीक्षण गर्दा सो संख्यामा संक्रमण देखिएको हो ।
नौ हजार ११७ पिसिआर र तीन हजार १०५ एन्टिजेन परीक्षण गरिएको थियो । तीमध्ये पिसिआर परीक्षण गर्दा एक हजार ५२३ र एन्टिजेनबाट १४१ जना संक्रमित भएका हुन् ।
हाल ३५ हजार ५९१ सक्रिय संक्रमित रहेका छन् । अहिलेसम्म ५०० भन्दा बढी संक्रमित हुने जिल्ला २० वटा रहेका छन् ।
यस्तै संक्रमणबाट निको भई आज एक हजार ७८६ जना घर फर्किएका छन् । अहिलेसम्म सात लाख १६ हजार ३०६ जना निको भई घर फर्किएका हुन् । नेपालमा निको हुने दर ९३.९ प्रतिशत रहेको छ ।
यस्तै संक्रमणबाट विगत २४ घण्टामा २० जनाको ज्यान गएको छ । अहिलेसम्म १० हजार ७५० जनाको संक्रमणबाट ज्यान गएको छ । नेपालमा प्रति दश लाखमा ३६२.३ जनाको संक्रमणका कारणले निधन हुने गरेको छ ।
यस्तै ६३७ जना सघन उपचारकक्ष (आइसीयू), १६४ जना भेन्टिलेटर, ३३ हजार २१४ जना होम आइसोलेशन, दुई हजार ३७७ जना संस्थागत आइसोलेशन र ३२९ जना क्वारेन्टिनमा रहेका छन् । नेपालमा संक्रमणको दर १९।५ प्रतिशत रहेको छ ।
