खिमराज चालिसे चंडिगढ।
भारतको हिसारमा नेपाली महिलाहरूले तिज पर्व भव्यतापूर्वक मनाएका छन् । मूल प्रवाह अखिल भारत नेपाली एकता समाज हिसार नगर समितिद्वारा सञ्चालित हिसार महिला नगर विभागको आयोजनामा विभिन्न सांस्कृतिक कार्यक्रम गरी तिजलाई प्रगतिशील रुपमा मनाइएको हो।

कार्यक्रमलाई शुभकामना दिँदै मूल प्रवाहका केन्द्रीय सल्लाहकार तारा सोमारेले प्रगतिशील तिजी गीतको महत्व, महिला आन्दोलन तथा विभिन्न पर्वहरुलाई प्रगतिशील रुपान्तरण कसरी गर्ने लगाएतका विषयमा स्पष्ट पार्नु भएको थियो ।

मूल प्रवाह सुदूरपश्चिमोत्तर क्षत्रीय सदस्य आत्माराम न्यौपाने, महिला क्षत्रीय विभागकी सेती राना र नगर अध्यक्ष नन्द बहादुर लम्तरीको पनि आतिथ्यता रहेको थियो ।

कार्यक्रम निरु सारुको अध्यक्षता तथा सिता शर्माको सञ्चालनमा सम्पन्न कार्यक्रममा डोलमाया विकले स्वागत गर्नुभएको थियो ।