नाशिक, (भारत) । मध्यपश्चिम भारतको महाराष्ट्रस्थित नासिकमा नेपालीहरु मूल प्रवाह अखिल भारत नेपाली एकता समाजमा संगठित भएका छन् । मूल प्रवाहको मध्य पश्चिम भारत क्षेत्रीय समिति अन्तर्गत नाशिकमा नेपालीहरुको भेला सम्पन्न भएको हो ।
कार्यक्रममा महासचिव ठाकुर खनालले मूल प्रवाह अखिल भारत नेपाली एकता समाजले भारत प्रवासमा खेल्दै आएको भूमिका र संगठनको आवश्यकताको बारेमा प्रष्ट्याउनु भएको थियो । भेलाले कल बहादुर पुन मगरको अध्यक्षतामा १४ सदस्यीय नाशिक नगर समिति निर्माण गरेको छ ।
जसमाः उपाध्यक्ष– तेजन्द्र सुनार, सचिव– भद्र घर्ती, सहसचिव– जित बहादुर पुन र कोषाध्यक्ष– राज कुमार खत्री रहनुभएको छ । त्यस्तै सदस्यहरुमा जित बहादुर बुढा, भरत परियार, टोपबहादुर पुन, उपेन्द्र चलाउने, गणेश बटाला, ढाकाराम डागी, गोमा पुन, सुनीता बोगटी, भिम बहादुर पुनमगर र टेकबहादुर सोनी रहनुभएको छ ।
नयाँ समितिलाई महासचिव ठाकुर खनालले बधाई एवं कार्यकाल सफलताको शुभकामना दिनुभएको थियो । भेला कल बहादुर पुन मगर र भद्र घर्तीको पहलमा सम्पन्न भएको हो ।
