खिमराज चालिसे, चण्डीगढ ।
मूल प्रवाह अखिल भारत नेपाली एकता समाज चंडिगढ नगर समितिका सदस्य बेगम कुवरलाई प्रवासबाट विदाई गरिएको छ ।
कुवरले आफू नेपालको जनतान्त्रिक आन्दोलनलाई सघाउन सधैँको लागि स्वदेश जाने घोषणा गरेपछि मूल प्रवाह चंडिगढ नगर समिततिले एक कार्यक्रम आयोजना गरी उहाँको विदलाई गरेको हो ।
विदाइ समारोहमा समाजका केन्द्रीय सदस्य दिनेश खड्काले कुँवरलाई सम्मानपत्र तथा स्मृती चिन्ह प्रदान गर्नुभयो । उहाँलाई उपस्थित सबै कार्यकर्ताहरुले फूलको हार तथा अविर लगाएर सम्मान गरेका थिए ।
विदाइ समारोहलाई सम्वोधन गर्दै नेता खड्काले विभिन्न खाले अवसरवादका विरुद्ब दृढतापूर्वक उभिँदै देशभित्र राष्ट्रियताको पक्षमा रक्षाकवच बन्नु हुनेछ भन्ने शुभकामना दिनुभयो ।
यस्तै, केन्द्रीय सल्लाहकार तिलक पौडयाल, केन्द्रीय सल्लाहकार एवम् नेपाली समाचारका संयोजक खिमराज चालिसे, सुदूरपश्चिमोत्तर महिला क्षेत्रीय सचिव जुना चालिसे, सुदूरपश्चिमोत्तर क्षेत्रीय सदस्य प्रेम आचार्य, समता विभाग केन्द्रीय सदस्य बिनु नेपाली, जनजाति विभागका थमन थापा, खेल विभागका पुरन थापा, महिला नगर संयोजक माया आचार्य, राजमो राप्ती गाउँपालिका सदस्य शमशेर केसी, विद्यार्थी नगर अध्यक्ष नारायण आचार्य, रक्तिम विभागका लीला बिकलगाएतले कुवँरलाई शुभकामना दिनुभएको थियो ।
नगर सचिव तेज बहादुर रोकाको सञ्चालनमा तथा नगर अध्यक्ष मान बहादुर केसीको अध्यक्षतामा सम्पन्न कार्यक्रममा थानेश्वर पाण्डे तथा रक्तिम कलाकारहरुद्वारा स्वागत गरिएको थियो ।
प्युठान जिल्लाको गौमुखी गाउँपालिका वार्ड नम्वर ७ नारीकोट निवासी बेगम कुवर सन् २०१४ देखि मूल प्रवाहको सक्रिय सदस्य रही नगर तथा एरियाहरुमा सक्रियतापूर्वक जिम्मेवारी निभाउँदै आइरहनु भएको थियो ।
