काठमाडौं । गएको २४ घण्टामा नेपालमा १ हजार ३८८ जनामा कोरोना भाइरसको संक्रमण देखिएको छ। १० हजार २९७ जनामा परीक्षण गर्दा सो संख्यामा संक्रमित फेला परेका हुन्।
Advertisement
यो अवधिमा २ हजार २६० जना संक्रमणमुक्त भएका छन्। आज २४ जनाको ज्यान गएको स्वास्थ्य मन्त्रालयले जनाएको छ। यो सहित कोरोना संक्रमणबाट ज्यान गुमाउनेको संख्या १० हजार ७१४ पुगेको छ।
आज देशभर ३५ हजार ७९६ जना सक्रिय संक्रमित रहेका छन्। आज काठमाडौंमा ३१२, ललितपुरमा ११४ र भक्तपुरमा ५२ जनासहित उपत्यकामा ४६८ संक्रमित थपिएका छन्।
