काठमाडौं । गएको २४ घण्टामा नेपालमा २ हजार २१२ जनामा कोरोना संक्रमण पुष्टि भएको छ ।
Advertisement
१२ हजार १०६ जनामा परीक्षण गर्दा सो संख्यामा संक्रमित पुष्टि भएको हो । यो अवधिमा १ हजार ८६७ जना डिस्चार्ज भएका छन् ।
आज ३३ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । यो सहित नेपालमा कोरोना संक्रमणबाट मृत्यु हुनेको संख्या १० हजार २९२ जना पुगेको छ ।
यस्तै, आज काठमाडौंमा ७३९ जनामा संक्रमण पुष्टि भएको छ। जसमा काठमाडौंमा ५२२, ललितपुर १५४ र भक्तपुरमा ६३ जना संक्रमित फेला परेका छन् ।
