काठमाडौं । अखिल नेपाल किसान महासंघले विभिन्न कारणले धानबालीको उत्पादन घट्न गई मर्कामा परेका किसानलाई राहत दिन सरकारसँग माग गरेको छ । गलत बिउका कारण धानमा बाला नलागेको, मल बिउको अभाव, सिंचाईको अभाव आदी कारणले उत्पादनमा कमी आउँदा कयौँ किसान मर्कामा परेको भन्दै सहुलियत उपलब्ध गराउन महासंघले आग्रह गरेको हो ।
महासंघले धानको समर्थन मूल्य ढिला तोक्दा दलाललाई फाइदा भएको पनि जनाएको छ । अध्यक्ष भैरवराज रेग्मीले मंगलबार एक विञप्ति प्रकासित गरी किसानहरुलाई सहुलियत नदिएमा सरकार विरुद्ध सडक संघर्ष गर्न किसानहरु बाध्य हुने चेतावनी पनि दिनुभएको छ । वक्तव्यमा भनिएको छ,
“देशका विभिन्न भानगमा धानमा बाला नलागेर किसानहरु मारमा परेका खबरहरु आइरहेका छन् । यसका लागि सरकारको बाढी र खण्डवृष्टिले धानबाली धेरै नै नष्ट भैरहेको छ । नेपाल सरकारले ढिलो गरेर धानको समर्थन मूल्य तोकेकाले धान खरिद दलालहरुले किसानहरुलाई सस्तोमा खरिद गरिरहेका छन् । किसानहरुमबाट सिधै धान खरिद नगरेर कमिशनको खेलमा धान दलालहरुबाट खरिद गरिरहेका छन् ।
यस कार्यमा खाद्य संस्थानका कर्मचारी मात्र होइन, कृषि मन्त्रालय र स्वयं कृषिा मन्त्री पनि कमिशनमा मुछिएको खबर सार्वजनिक भएको छ । सरकारद्वारा सिफारिस गरिएको धानको विउलाइृ कृषि मन्त्रालय अन्तर्गतका विरण व्यष्वस्थापन निकायहरुले माटो कमिशन प्राप्त गरी अप्रमाणित र हाई ब्रिड विउलाई निर्वाध आयत गर्न दिने र त्यसलाई नियन्त्रण नगरेको परिणाम किसानले खरिद गरेको विउमा बाला लाग्न नसकेको तथ्य प्रमाण बाहिर आएको बुझिएको छ । अहिले गहुँबाली लगाउने समय छ, यो समयमा मलको अभाव खड्किएको छ । यस सममा मन्त्री–सविचसम्म कमिसनको खेलले काम गरेको छ भन्ने समाचार बाहिरिएको छ ।
यसरी नेपाल सरकारले कृषिलाई प्राथमिकता दिएको, कमिशन र भ्रष्टाचार सून्य सहनशीलतामा संचालन भव्उको भनेर प्रचार गर्ने, वास्तविक किसानले राहत नपाउने, उत्पादन गरेर राष्ट्रि आम्दानी मै ठूलो असर पर्ने यस प्रकारको गम्भीर समस्याको विरुद्ध किसानहरु सडकमा उत्रनुको विकल्प छैन । यसरी कमिशनलाई भ्रष्टाचारको कानुन बनाएर उच्च तहबाटै कानुनी कार्वाही गर्ने र विना कमिशन सिधै किसानलाई राहत पुग्ने कार्यक्रम ल्याइएन भने किसानहरु सडकमा उत्रन बाध्य हुने छन् ।
यसरी मल विउ सरकारको प्रत्यक्षप निगरानीमा वितरण गर्ने, धानवालीमा मार परेकालाई तुरुन्त सिधा किसानले पाउने गरी वितरणको लागि माग गर्दछ । यदि यसमा सरकारले ढिला ढिला गरेमा किसानहरु सडमा उत्रने चेतावनी दिन चाहान्छौं ।”
