काठमाडौँ । पछिल्लो २४ घण्टामा एक हजार ५९५ जना निको हुँदा तीन हजार १०८ जना सङ्क्रमित थपिएका छन् ।

१३ हजार १३५ जनाको स्वाब परीक्षण हुँदा तीन हजार १०८ जनामा कोरोना सङ्क्रमण पुष्टि भएको हो । सोही अवधिमा २५ जनाले ज्यान गुमाएको स्वास्थ्य तथा जनसङ्ख्या मन्त्रालयले जनाएको छ ।

मन्त्रालयका अनुसार यससँगै देशभर कोरोना सङ्क्रमितको कुल सङ्ख्या एन्टिजेन विधिबाट गरिएको परीक्षणमा ५० हजार ६६४ जना पुगेको छ भने पिसिआर विधिबाट गरिएको परीक्षणमा ६ लाख ७० हजार ९५३ पुगेको छ ।

यस्तै हालसम्म सङ्क्रमितमध्ये छ लाख ३४ हजार ९२७ जना सङ्क्रमणमुक्त हुँदा ९ हजार ६०७ जनाको मृत्यु भएको छ । हालसम्म कोरोना निको हुने दर ९४.६ प्रतिशत रहेको छ ।