काठमाडौं । अमेरिकाले अनुदानमा उपलब्ध गराएको जोन्सन एण्ड जोन्सन खोप आजदेखि लगाउन सुरु गरिएको छ । प्रधानमन्त्री शेरबहादुर देउवाले खोप लगाउने कार्यको जोरपाटीबाट शुभारम्भ गर्नुभएको छ ।
जोरपाटीस्थित खगेन्द्र नवजीवन केन्द्रमा स्वास्थ्यकर्मीलाई खोप हस्तान्तरण गरेर प्रधानमन्त्री देउवाले कार्यक्रमको शुभारम्भ गर्नुभएको हो । सो कार्यक्रममा नेपालका लागि अमेरिकी राजदूत र्याण्डी बेरी उपस्थित हुनुहुन्थ्यो ।
यस क्रममा प्रधानमन्त्री देउवाले खोप सहज रूपमा लगाउने प्रबन्ध मिलाउन व्यवस्थापन पक्षलाई निर्देशन दिँदै भन्नुभयो, ‘मेरो सरकारको प्राथमिकता सबैलाई कोरोना विरुद्धको खोप हो ।’
यो खोपको एक मात्रा लगाए पुग्छ । स्वास्थ्य तथा जनसङ्ख्या मन्त्रालयका सहप्रवक्ता डासमिरकुमार अधिकारीले असार ४ देखि ६ गतेसम्म जोन्सन एण्ड जोन्सनको खोप लगाइने जानकारी दिनुभयो ।
५० देखि ५४ वर्ष उमेर समूहका नागरिकलाई र पहिलो खोप लगाउन बाँकी सबै तथा पूर्ण र अति अशक्त, अपाङ्गता भएका नागरिक र नेपालमा रहेका शरणार्थीलाई यो खोप दिइँदै छ ।
खोप लगाउने कार्यक्रमको प्रधानमन्त्री देउवाले नेपाल अर्थोपेडिक अस्पताल, जोरपाटी, त्रिभुवन विश्वविद्ययालय, शिक्षण अस्पताल, महाराजगञ्ज, वीर अस्पताल, महावौद्ध तथा पाटन स्वास्थ्य विज्ञान प्रतिष्ठान लगायतका केन्द्रको स्थलगत निरीक्षण गर्नुहुनेछ ।
