काठमाडौँ । पछिल्लो २४ घण्टामा एक हजार ८७५ कोरोना सङ्क्रमित थपिएका छन् ।

देशभर गरिएको छ हजार ८५८ पिसिआर र तीन हजार २०८ जनाको एन्टिजेन परीक्षणका क्रममा १ हजार ८७५ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

योसँगै कुल सङ्क्रमितको सङ्ख्या छ लाख ६५ हजार ८८६ पुगेको छ ।

गत २४ घण्टामा दुई हजार १६४ जना सङ्क्रमित निको भएका छन् । योसँगै देशभर निको हुनेको सङ्ख्या छ लाख ३० हजार ४०७ पुगेको छ ।

यस अवधिमा २१ जना सङ्क्रमितको मृत्यु भएको मन्त्रालयले जनाएको छ । हालसम्म कोरोना सङ्क्रमणबाट मृत्यु हुनेको सङ्ख्या नौ हजार ५२७ पुगेको छ ।