काठमाडौं । गएको २४ घण्टामा नेपालमा १ हजार १३३ जना संक्रमणमुक्त भएका छन् भने २ हजार ३७० संक्रमित थपिएका छन् । आज कोरोना संक्रमणमुक्त हुनेभन्दा थपिएका संक्रमितको संख्या दोब्बरभन्दा बढी हो ।
११ हजार ५८४ जनाको परीक्षण गर्दा सो संख्यामा संक्रमित थपिएका हुन् । आज १८ जनाको मृत्यु भएको स्वास्थ्य मन्त्रालयले जनाएको छ। यो सहित नेपालमा कोरोना संक्रमणका कारण मृत्यु हुनेको संख्या ९ हजार ४ सय पुगेको छ ।
आज कामठमाडौं उपत्यकामा ४३३ जनामा संक्रमण देखिएको छ। जसमा काठमाडौं २८९, ललितपुर ९० र भक्तपुर ५४ जना रहेका छन् ।
हिजो १ हजार ८३१ जनामा कोरोना भाइरसको संक्रण देखिएको थियो भने १ हजार ५३३ जना संक्रमणमुक्त भएका थिए । २० जनाको मृत्यु भएको थियो ।
यस्तै, काठमाडौं उपत्यकामा ३९१ जनामा संक्रमण पुष्टि भएको थियो जसमा काठमाडौं २६३, ललितपुर ९७ र भक्तपुर ३१ जना रहेका थिए।
निषेधाज्ञा खुकुलो भएयता नेपालमा कोरोना संक्रमणमुक्त हुनेभन्दा संक्रमित हुनेको संख्या बढीरहेको छ।
