बझाङ । बझाङ जिल्लाको बुङ्गल नगरपालिका १ दारिमगार्डमा कालंगा हाईड्रो पावरको निर्माणाधिन सुरुङभित्र फसेका चारैजना मजदुरको मृत्यु भएको छ । सशस्त्र प्रहरीको एपीएफ सुरुङबाट तीन जनाको शव बाहिर निकालेको छ ।
दैलेख जिल्लाको गुराँस नगरपालिका ३ बस्ने ३० वषीय महेन्द्र शाही, अछाम जिल्लाको तुर्माखाँद गाँउपालिका ६ का २४ वर्षीय महेन्द्र साउद र दैलेख जिल्लाको गुराँस नगरपालिका ३ का ३२ वर्षीय करन शाहीको सशस्त्र प्रहरीले शव सुरुङबाट बाहिर निकालेको हो।
थप एक जनाको शव सोमबार साँझ अबेरसम्म निकाल्न सकिएको छैन ।
सुरुङ निर्माणमा प्रयोग भएको एउटा बलेरो गाडी र दुई वटा ट्रयाक्टरसहित निर्माणाधिन उक्त सुरुङभित्र ति मजदुरहरु आइतबार दिउँसोदेखि
फसेका थिए ।
सशस्त्र प्रहरी बल, नेपाल विपद् व्यवस्थापन तालिम शिक्षालय कुरिनटारबाट सशस्त्र प्रहरी निरीक्षक भवराज कटुवालको कमाण्डमा विपद् व्यवस्थापन तालिम प्राप्त दक्ष टोली आवश्यक उद्धार सामाग्रीसहित आज समिट एयरको हेलिकप्टरद्वारा त्यसठाउँमा उद्धारका लागि गएको थियो ।
