कपिलवस्तु । कपिलवस्तुको कृष्णनगरमा बिहीबार भएको झडपमा मारिएका युवक भारतीय नागरिक भएको पुष्टि भएको छ । प्रहरीका अनुसार उनी वढ्नीसंँग जोडिएको भारतीय भूभागमा स्थायी घर भएका व्यक्ति भएको पुष्टि भएको छ ।

बिहीबार हिन्दु र मुस्लिम समूदायबीच भएको झडप नियन्त्रणका क्रममा प्रहरीले चलाएको गोली लागेर उनको मृत्यु भएको हो ।

कृष्णनगरमा स्थानीय प्रशासनले लगाएको कर्फ्यु उल्लंघन गरी प्रदर्शन गर्नेमाथि
प्रहरीले गोली चलाएको हो । कृष्णनगरमा भएको झडपमा थप उत्तेजित तुल्याउन भारतीयहरुको समूह नेपाल भित्रिएको प्रहरीले आकलन गरेको छ ।

प्रदर्शनमा सहभागी धेरै नागरिकहरुका अनुहार नचिनिएका रहेको समेत स्थानीयवासीको भनाइ छ । यसअघि २०६४ सालमा पनि कपिलवस्तुमा दुई धार्मिक समूदायबीच तनाव उत्पन्न भएको थियो ।