काठमाडौं । त्रिभुवन विश्वविद्यालयले सबै तहका परीक्षा स्थगित गरेको छ । त्रिवि परीक्षा नियन्त्रण कार्यालय बल्खुले सोमबार सूचना जारी गरी वैशाख १४ देखिका सबै परीक्षा स्थगित भएको जनाएको हो ।

त्रिभुवन विश्व विद्यालयका आंगिक तथा सबन्धन प्राप्त क्याम्पसहरुको वार्षिक तथा सेमेस्टर प्राणालीका स्नातक एवम् स्नातकोत्तर तहका विभिन्न परीक्षाहरु स्थगन भएको सूचनामा उल्लेख रहेको छ।

‘लकडान तथा निषेधाज्ञाको कारण हाल संचालिन तथा सञ्चालनको प्रक्रियामा रहेका सम्पूर्ण परीक्षाहरु यथास्थितिमा सञ्चालन गर्न नसकिने परिस्थिति सृजना भएकाले त्रिवि सञ्चालक समितिको बैठकले अर्को सूचना जारी नभएसम्मका लागि स्थगित गरिएको छ’, सूचनामा उल्लेख गरिएको छ।