काठमाडौं । काठमाडौंको प्रदर्शनीमार्गमा रहेको नेपाल ल क्याम्पसले सोमबारदेखि अनलाइन कक्षा सञ्चालन गर्ने भएको छ । फैलँदै गएको कोभिड–१९ को कारणले भौतिक रुपमा उपस्थित भइ कक्षाहरु सञ्चालन गर्न असहज भएको कारणले वैशाख ६ गतेदेखि अनलाइन कक्षा सञ्चालन गर्न ललागिएको क्याम्पसले जनाएको छ ।

त्रिभुवन विश्व विद्यालय अन्तर्गत नेपाल ल क्याम्पसले आइतबार सूचना प्रकाशित गरी एलएल एम तह विहानी तथा दिवा सेवाका सम्पूर्ण कक्षाहरु ‘अफिस३६५ को टिम्स एप्स’ मार्फत सञ्चालन गर्ने जानकारी दिएको हो ।

क्याम्पस प्रशासनले आफ्नो नाम, रोल नं ऐच्छिक विषय, सेमेष्टर तथा समूहसहित क्याम्पसको इमेलमा पठाउन सूचनामा जनाइएको छ ।