पुरन पोख्रेल, पाल्पा ।
अखिल नेपाल राष्ट्रिय स्वतन्त्र विद्यार्थी युनियन (छैठौं) पाल्पाले आफ्नो संगठन बिस्तार अभियानलाई तीब्र बनाएको छ । यसै क्रममा पश्चिम क्षेत्रको जेठो र ऐतिहासिक त्रिभुवन बहुमुखी क्याम्पस अखिल (छैठौं) को भेला सम्पन्न भएको छ ।
बीएड प्रथम वर्षमा अध्ययनरत विद्यार्थीहरुको भेलाले चिलिसा गाहाको अध्यक्षतामा १५ सदस्यीय कमिटी निर्माण गरिएको छ ।
मिना श्रीनेतले सञ्चालन गर्नुभएको कार्यक्रमको प्रमुख अतिथि अखिल (छैठौं) जिल्ला अध्यक्ष बिमला सापकोटा रहनुभएको थियोे । कार्यक्रममा जिल्ला उपाध्यक्ष अमृत शर्मा लगाएत नेताहरूको उपस्थिति रहेको थियो ।
यस्तै, बीबीएस प्रथम वर्षमा १३ सदस्यीय इकाई समिति गठन गरिएको छ । समितिको अध्यक्षमा अनुराज बुढा, उपाध्यक्ष रितु पराजुली सचिव प्रतिभा पौडेल, कोषाध्यक्ष अनमोल महर्जन रहनुभएको छ ।
साथै त्रिभुवन बहुमुखी क्याम्पस पाल्पाको मुलगेट अगाडि तम्घास पाल्पा रोडमा जेब्रा क्रसिङ र स्पिड स्लो सिग्नल तत्काल राख्न माग गरिएको छ । यसअघि अखिल (छैठौं) सहितका विद्यार्थी संगठनले राखेका माग पूरा गर्न माग गर्दै पूर्वक्याम्पस प्रमुख जीवन बहादुर थापा र क्याम्पस प्रमुख टंक भट्टराईलाई ज्ञापन पत्र बुझाएको थियो ।
