नविन क्षेत्री, सुनसरी ।
अखिल नेपाल राष्ट्रिय स्वतन्त्र विद्यार्थी युनियन (छैठौं) प्रदेश १ समन्वय समिति पुनर्गठन गरिएको छ । शनिबार सुनसरीको इटहरीमा सम्पन्न भेलाले प्रदेश समितिको पुनर्गठन गरेको हो ।

अखिल (छैठौं) १ न. प्रदेश इन्चार्ज नवीन पाण्डेको प्रमुख आतिथ्यता तथा अध्यक्ष देवेन्द्र पौडेलको अध्यक्षतामा भएको भेलाले देवेन्द्र पौडेलकै अध्यक्षतामा नौ सदस्यीय कार्य समिति चयन गरेको छ ।

समितिको उपाध्यक्षमा रबिना लिम्बू (तेह्रथुम), सचिव हर्कबहादुर लावती (इलाम), सहसचिव नारायण धिमाल (उदयपुर) र कोषाध्यक्ष विनिता लिम्बू (ताप्लेजुङ) चयन हुनुभएको छ ।

सदस्यहरुमा स्नेहा राई (पाँचथर), विशाल तामाङ (सुनसरी), सुस्मा चौधरी (सुनसरी) रहनुभएको छ भने एक स्थान रिक्त राखिएको छ ।