जनकपुरधाम । वरिष्ठ कलाकार मदनकृष्ण श्रेष्ठ र हरिवंश आचार्य ‘महजोडी’ लाई यसवर्षको ‘महामुर्ख’ उपाधि प्रदान गरिएको छ । मिथिला नाट्यकला परिषदले होली पर्वको अवसरमा आइतबार आयोजन गरेको महामुर्ख सम्मेलनमा महजोडी लाई सो उपाधि प्रदान गरिएको हो ।
जानकी मन्दिरमा आयोजन गरिएको हाँस्यव्यंग्य सांस्कृतिक कार्यक्रममा महजोडीलाई प्रदेश २ का भौतिक पूर्वाधार विकासमन्त्री जितेन्द्र सोनल र मिनापका अध्यक्ष प्रमेश झाले संयुक्त रुपमा महामुर्खको मानपदवी हस्तान्तरण गरेका गर्नुभयो ।
यस्तै मन्त्री सोनलालाई मुर्ख शिरोमणिको उपाधि प्रदान गरिएको छ। मैथिली विकास कोषका अध्यक्ष जीवनाथ चौधरीलाई पटमुर्खको उपाधि दिइएको छ।
मिथिला नाट्यकला परिषदले २५ वर्षदेखि होली पर्वको अवसरमा दुई दीवसीय होरी गायन प्रतियोगिता र महामूर्ख सम्मेलन गर्दै आएको छ। सम्मेलनमा समाजमा योगदान दिएका बुद्धिजिवी, विद्वत, चर्चित तथा पदवाला मध्येका उत्कृष्ट व्यक्तित्वहरुलाई छनोट गरी व्यंग्यात्मक स्वरुप मुर्ख तथा महामुर्खको उपाधि दिईंदै आएको छ ।
