काठमाडौं । आइतबार साँझ धनगढीबाट काठमाडौंका लागि छुटेको रात्रीबस दुर्घटना हुँदा एक जनाको मृत्यु भएको छ ।

ना ६ ख ७४६१ नम्बरको खप्तड मालिका यातायातको बस आइतबार पूर्व पश्चिम राजमार्ग अन्तर्गत कैलालीको घोडाघोडी नगरपालिका–५ डोकेबजारमा दुर्घटना भएको हो ।

दुर्घटनामा २९ जना घाइते भएका छन् । घाइतेमध्ये एकको अवस्था गम्भीर छ । दुर्घटनामा गम्भीर घाइते एक जनालाई उपचारका लागि नेपालगञ्ज पठाइएको छ भने २७ जनाको स्थानीय घोडाघोडी अस्पतालमा उपचार भइरहेको प्रहरीले जनाएको छ ।

मृतकको सनाखत हुन सकेको छैन । तीव्र गतिमा रहेको बसले अर्को सवारी साधनलाई ओभरटेक गर्ने क्रममा अनियन्त्रित भई दुर्घटना भएको प्रहरीले जनाएको छ ।