बुटवल । रुपन्देहीमा रक्तिम सांस्कृतिक अभियानको जिल्लास्तरीय कलाकार टोली गठन गरिएको छ ।
केन्द्रीय अध्यक्ष रेम रानाको प्रमुख आतिथ्यतामा २०७७ फागुन २८ का दिन रक्तिम जिल्ला समिति रूपन्देहीले आयोजना गरेको वनभोज कार्यक्रममा सो टोली गठन गरिएको हो ।
कलाकार टोलीमा मिलन परियार, सीता बस्याल, सीता केसी, अमर थापा, मीरा बस्याल, सितल केसी, विष्णु केसी, सुरू जिसी, भूवन बस्याल र लक्ष्मी गुरुङ रहनुभएको छ ।
कार्यक्रमका प्रमुख अतिथि रक्तिम अभियानका केन्द्रीय अध्यक्ष रेम रानाले अभियानले विगतमा खेलेको भूमिका, वर्तमान र भविष्यमा खेल्नुपर्ने दायित्वको बारेमा जानकारी दिनुभएको थियो ।
त्यसैगरी रक्तिम सांस्कृतिक अभियानका केन्द्रीय सल्लाहकार राजेश विकले रक्तिमका कलाकारहरू समाजमा हरेक क्षेत्रमा अब्वल दर्जाको नागरिक हुनपर्ने अन्यथा बुर्जुवा कलाकार र हामीमा जनताले फरक छुट्याउन नसक्ने हुँदा हामी नमुना बन्न कसरी सकिन्छ भन्र्दै प्रतिप्रश्न राख्नुभएको थियो ।
सो अवसरमा उहाँले कलाकारले आफूलाई सैद्धान्तिक, वैचारिक र अनुशासित बनाउन अध्ययनलाई निरन्तरता दिन आग्रह गर्नुभयो ।
कार्यक्रममा राष्ट्रिय जनमोर्चा रूपन्देहीको अध्यक्ष बद्रे आलम, कम्युनिस्ट सङ्ग्रहालय नेपालका अध्यक्ष चेतनाथ आचार्य, अखिल नेपाल महिला सङ्घ रुपन्देहीकी जिल्लाध्यक्ष भानु केसीको पनि आतिथ्यता रहेको थियो ।
बुटवल उपमहानगरपालिका–११ को मिलनपार्कमा आयोजित वनभोज कार्यक्रमको अध्यक्षता रक्तिम अभियान जिल्ला समितिका अध्यक्ष सीता बस्यालले गर्नुभएको थियो भने सञ्चालन मिलन परियारले गर्नुभएको थियो ।
कार्यक्रममा भीम राहाडीले स्वागत मन्तव्य राख्नुभएको थियो ।
