काठमाडौं । आज श्रीपञ्चमी अर्थात, सरस्वती पुजा । देशभरका शैक्षिक संस्थामा सरस्वतीको पुजाआजा गरी मनाइएको छ । सरस्वतीलाई विद्याकी देवी मान्ने प्रचलन अनुसार स्कूल, कलेज लगायत शैक्षिक संस्थाहरुमा सरस्वतीको मुर्ती राखि पुजा गर्ने प्रचलन रही आएको छ ।
अधिकांश स्थानमा आजकै दिनदेखि साना बालबालिकाहरुलाई अक्षर आरम्भसमेत गराइन्छ ।
सरस्वती पुजाका अवसर पारेर विद्यालयमा बालबालिकाहरुले आफ्ना विभिन्न प्रतिभा प्रदर्शन गर्ने गर्दछन् ।
यसै सिलसिलामा हामीले काठमाडौंको बूढानीलकण्ठ नगरपालिका–१० बालुवाखानी चोकमा रहेको फेरिल्याण्ड इन्टरनेसनल स्कुलका विद्यार्थीहरुले प्रदर्शन गरेको कलाकौशलका केही झलकहरु प्रस्तुत गरेका छौं । विद्यार्थीहरुले नृत्य, गायन, विज्ञान प्रदर्शनी, चित्रकला, खेलकुद लगायत प्रदर्शन गरेका थिए ।
(फोटो फेरिल्याण्ड स्कुलका शिक्षक विनोद अधिकारीको फेसबुकबाट)
