धनगढी । रक्तिम साँस्कृतिक अभियान कैलालीले संगठन निर्माणका क्रममा धनगढी उपमहानगरपालिका वडा नं. १३ कैलाली गाँउमा गाँउसमिति गठन गरेको छ । शनिबार सम्मपन्न भेलाले पुनम रानाको अध्यक्षतामा १५ सदस्यीय समिति गठन गरेको हो ।
समितिको उपाध्यक्षमा कलामति राना, सचिव उर्मिला राना, सहसचिव ज्योती राना र कोषाध्यक्षमा कविता राना रहनुभएको छ । सदस्यहरुमा इशा राना, सम्झना राना, प्रिया राना, पायल राना, गरिमा राना, गिता राना, चन्द्रा चौधरी, अमन राना, अमसिंह राना हुनुहुन्छ भने हाललाई एक स्थान रिक्त राखिएको छ ।
अभियानका केन्द्रीय सदस्य बाबुराम आचार्यको प्रमुख आतिथ्यतामा सम्मपन्न उक्त भेलामा अखिल नेपाल महिला संघकी केन्द्रीय सल्लाहकार चन्द्रवदन श्रेष्ठ, रक्तिम कैलालीको कोषाध्यक्ष पवित्रा बडु र राष्ट्रिय जनमोर्चाका जिल्ला सदस्य रामकिसन रानाले प्रशिक्षणात्मक मन्तब्य दिनुभएको थियो ।
