कपिलवस्तु । राष्ट्रिय जनमोर्चा कपिलवस्तुले गणतन्त्रको रक्षा, संघीयताको खारेजी र भ्रष्टाचारविरुद्ध सुरु गरेको अभियान जिल्लाब्यापीरुपमा जारी छ । एकहप्ते अभियान अन्तर्गत राजमोले शनिबार जिल्लाका तीन स्थानमा विरोध सभा सम्पन्न गरेको छ । राजमोले बुद्धभूमि नगरपालिकाको पत्थरकोट, बुद्धि र गोरुसिंगेमा कोण सभा आयोजना गरिएको हो ।
पत्थरकोटमा भएको कोण सभाको सञ्चालन मित्रलाल घिमिरेले गर्नु भएको थियो भने राष्ट्रिय जनमोर्चा जिल्ला सचिव दलबहादुर कुँवर र नेकपा (मसाल) का जिल्ला प्रवक्ता छविलाल गैरेले सम्बोधन गर्नु भएको थियो ।
यस्तै, बुद्धिमा भएको कोण सभाको सञ्चालन मित्रलाल घिमिरेले गर्नु भएको थियो भने राष्ट्रिय जनमोर्चा जिल्ला अध्यक्ष दधिराम आचार्य र अखिल नेपाल किसान महासंघका केन्द्रीय उपाध्यक्ष शिव पौडेलले सम्बोधन गर्नु भएको थियो ।
यसैगरी गोरुसिंगेमा भएको कोण सभाको सञ्चालन नरबहादुर घर्तिमगरले गर्नु भएको थियो भने सभालाई राष्ट्रिय जनमोर्चा जिल्ला सचिव दलबहादुर कुँवर र नेकपा (मसाल) का जिल्ला प्रवक्ता छविलाल गैरेले सम्बोधन गर्नु भएको थियो ।
